Volkswagen дар моҳи декабр бо иттифоқҳои касаба созишномаи таърихӣ баст.
Мувофиқи шарҳҳои Гуннар Килиан, узви шӯрои директорони Volkswagen оид ба идоракунии кадрҳо то соли 2030 маоши роҳбарони аршади консерни автомобилсозии олмонӣ ба маблағи беш аз 300 миллион евро коҳиш хоҳад ёфт.
Шӯрои директорони Volkswagen нисбат ба дигар роҳбарон ё кормандон қисми бештари маоши худро аз даст медиҳад, гуфт Килиан дар мусоҳиба бо рӯзномаи маҳаллии Braunschweiger Zeitung.
Дар моҳи декабр Volkswagen бо иттифоқҳои касаба ба созиш расид, ки имкон медиҳад дар ояндаи наздик аз баста шудани корхонаҳо пешгирӣ карда шавад.
Дар созишнома нақшаи коҳиши хароҷот, ки имкон медиҳад дар давраи миёнамуҳлат ҳар сол 15 миллиард евро сарфа карда шавад, оварда шудааст.
Ба ин рақам 1,5 миллиард евро сарфаи хароҷоти қувваи корӣ дохил мешавад, дар ҳоле ки шумораи кормандон то соли 2030 ба 35 000 нафар коҳиш меёбад.
