Бо мақсади таъмини сифати баланди таҳсилот ва фаъолияти корҳои тадқиқотӣ — илмӣ, омодасозии кадрҳои баландихтисос дар сатҳи байналмилалӣ Донишгоҳи давлатии молия ва иқтисоди Тоҷикистон аз давраи таъсис дар рушди фаъолияти байналмилалӣ диққати махсус зоҳир намуда, бо зиёда аз 153 донишгоҳ ва ташкилотҳои хориҷӣ ва дохилӣ шартномаи ҳамкорӣ бастааст.
Лозим ба ёдоварист, ки дар нимсолаи аввали соли гузашта 11 устоди хориҷӣ ҳузурӣ ва маҷозӣ аз Украина, Лаҳистон, Қазоқистон ва Ҷумҳурии мардумии Чин ба донишҷӯёни донишгоҳ лексияҳо хондаанд. Ҳамчунин 34 устоди донишгоҳ дар чорабиниҳои сатҳи байналмилалӣ аз ҷумла дар форумҳо, семинарҳо ва курсҳои такмили ихтисос иштирок намудаанд.
Дар доираи созишномаҳои басташуда барномаи мубодилаи донишҷӯён бо муассисаҳои таҳсилоти олии хориҷи кишвар, ба роҳ монда шудааст, ки теъдоди донишҷӯёни дар барномаи мубодила ширкат намуда дар маҷмӯъ ба 203 нафар мерасад.
Айни ҳол дар донишгоҳ беш аз 341 донишҷӯи хориҷӣ аз Ҷумҳурии Ӯзбакистон, Қазоқистон, Қирғизистон, Туркманистон, Афғонистон, Чин ва Федератсия Русия дар зинаҳои гуногун таҳсил доранд.
АХБОРИ МОНАНД:
ДМТ: Устодон барои табодули таҷриба ба хориҷ мераванд
Хонандагони тоҷик дар олимпиадаи байналмилалӣ сазовори 1058 ҷойи ифтихорӣ шуданд
Шарҳи Амри Президенти Ҷумҳурии Тоҷикистон доир ба баргузории Озмуни ҷумҳуриявии ««Тоҷикон» — оинаи таърихи миллат» дар соли 2023
Хушқадамова Омина ғолиби олимпиада дар самти идоракунии захираҳои обӣ шуд
