Ба иттилои Вазорати молияи кишвар, даромади буҷети давлатӣ дар нимсолаи аввали соли 2025, 111, 5 фоиз иҷро шуда, ба буҷет 27.5 млрд сомонӣ ворид гардид.
Зимни нишасти матбуотӣ хабар дода шуд, ки қарзи берунаи Тоҷикистон $31.1 млрд. буда, дар нимсолаи аввали соли равон 224,4 млн доллар барои хизматрасонии қарзи беруна пардохт шудааст.
Дар ин давра бо ҳадафи ҷалби маблағҳои иловагӣ барои рушди иқтисоди кишвар, 9 созишномаи қарзию грантӣ барои татбиқ гардидани 7 лоиҳаи давлатии сармоягузорӣ ба маблағи умумии 153,7 млн доллар ба имзо расонида шудааст. Дар ин давра, аз ҳисоби буҷети ҷумҳуриявӣ 165 млн. сомонӣ барои нигаҳдории намояндагиҳои дипломатии ҷумҳурӣ дар хориҷи кишвар ва барои иштироки ҷумҳурӣ дар сохторҳои байнидавлатии ИДМ, Созмони ҳамкории Шанхай, СААД ва ғайра пардохт гардидааст.
Абдурофеъ Шарифиён, «Овози тоҷик»
