Имрӯз дар Китобхонаи миллии Тоҷикистон Конфронси байналмиллалии илмӣ-амалӣ таҳти унвони «Нақши муассисаҳои илмӣ ва муассисаҳои таълимии олӣ дар фаъолияти ҳуқуқэҷодкунӣ» баргузор гардид. Чорабинӣ ба майдони муҳим барои муҳокимаи масъалаҳои мубрами рушди қонунгузорӣ ва таҳкими ҳамкорӣ миёни сохторҳои илмӣ ва мақомоти ҳифзи ҳуқуқ табдил ёфт.
Дар конфронс олимону ҳуқуқшиносон, коршиносон, омӯзгорони донишгоҳҳо, инчунин намояндагони даъватшуда аз Қазоқистон, Узбекистон ва дигар кишварҳои хориҷӣ иштирок намуданд.
Иштирокчиён таъкид карданд, ки ҷалби фаъоли захираҳои илмӣ ба раванди қонунэҷодкунӣ ба баланд шудани сифати санадҳои меъёрӣ-ҳуқуқӣ ва мувофиқати онҳо ба талаботи муосири ҷомеа мусоидат мекунад.
Иштирокчиён зарурати рушди минбаъдаи ҳамкориҳои байналмилалӣ, гузаронидани тадқиқотҳои муштарак ва васеъ гардонидани робитаҳои академиро миёни муассисаҳои дахлдор таъкид намуданд.
Бар асоси натиҷаҳои конфронс тавсияҳо таҳия карда шуданд, ки ба таҳкими ҳамкорӣ байни ҷомеаи илмӣ ва сохторҳои давлатӣ дар соҳаи ҳуқуқэҷодкунӣ равона гардидаанд.
Тахмина Амонова, Радиои «Овози тоҷик»
