Ҳамасола дар доираи лоиҳаи “Тамғаи писандидаи Тоҷикистон” намоиш-фурӯши маҳсулоти хушсифати ватанӣ баргузор мегардад. Ташкилкунандагон имсол низ ин анъанаи некро идома дода, рӯзҳои 2, 3, 4 ноябр дар Кохи Борбад Намоиш-фурӯши маҳсулоти хушсифати ватаниро баргузор менамоянд. Дар ин бора радиои”Овози тоҷик” дар истинод ба кумитаи тадорукоти намоиши мазкур хабар медиҳад.
Давоми 3 рӯз зиёда аз 30 корхона ва ширкатҳои машҳури кишварамон аз қабили “Сиёма”, “Артел”, “СоСа-Соlа, “Покиза”, “Файзи Расул”, “Доро”, “Шири Душанбе”, “Молочная радость”, “Қолин-Сервис”, “Беҳамто”, “Баракат”, “София”, “Слобода”, Шабакаи нуктаҳои фурӯши сӯзишвории “Гапзпромнефть”, “GMP”, “АКФА”, Рамис”, “Химус”, “Тавҳидбонк”, “Душанбе-Сити+банк” молу маҳсулот ва хизматрасониҳои мухталифи хешро бо нархи яклухт ба муштариён пешкаш месозанд.
Мавриди зикр аст, ки Маросими расмии кушодашавии Намоиш-фурӯши маҳсулоти иштирокчиёни Лоиҳа-озмуни “Тамғаи писандидаи Тоҷикистон-2023” бо иштироки намояндагони Ҳукумати Ҷумҳурии Тоҷикистон, Вазорати саноат ва технологияҳои нави кишвар, сарпарастону иштирокчиёни лоиҳа ва дигар шахсони расмӣ санаи 2 ноябр, соати 09:00 дар Кохи Борбад баргузор мегардад.
Лоиҳа рӯзи 3 ноябр ҷамъбаст гашта, ғолибон бо ҷоизаи “Тамғаи писандидаи Тоҷикистон-2023” сарфароз гардонида мешаванд.
АХБОРИ МОНАНД:
Идомаи сафари намояндагони Вазорати таовун, кор ва рифоҳи иҷтимоии Эрон дар Тоҷикистон
Британия шаҳрвандони Тоҷикистонро ба кор мегирад
Гулнора Ҳасанзода дар конференсияи байналмилалӣ иштирок намуд
Раиси Раёсати КВД БА ҶТ «Амонатбонк» дар чорабинии Таваҷҷуҳи муҳим дар устувории молиявӣ иштирок намуданд
