Байден оиласи билан Атлантика океанидаги оролда дам олмоқда
АҚШ Президенти Жо Байден оиласи билан мамлакат шарқида, Жанубий Каролина штатидаги Киауа оролида етти кунлик таътилни бошлаб юборди. Бу ҳақда “Associated Press” хабар берди.
Давлат раҳбари биринчи хоним Жилл Байден, ўғли Хантер, келини Мелисса Коэн ва набираси Бо билан Чарльстон порт шаҳрига етиб борган.
Атлантика океанида жойлашган Киауа ороли хусусий пляжи, гольф майдонлари билан машҳур. Байден бу оролда Қўшма Штатлар вице-президенти бўлган даврда ҳам бир неча бор оиласи билан дам олган.
Агентлик қайд этишича, Федерал авиация маъмурияти 16 августга қадар орол ҳудудида парвозларга чеклов киритди.
Uza.uz