2021-йилда Сўғд вилоятининг Корея Республикаси билан ташқи савдо айланмаси 36,6 миллион долларга етди
2021-йилда Сўғд вилоятининг Корея Республикаси билан ташқи савдо айланмаси 36,6 миллион АҚШ долларини ташкил этди. Бу ҳақда Сўғд вилояти раиси Ражаббой Аҳмадзоданинг Корея Республикасининг Тожикистондаги элчиси Квон Донгсеок билан учрашуви чоғида айтиб ўтилди.
Суҳбат чоғида Сўғд вилояти раиси Тожикистон Республикаси ва Корея Республикасини тарихий дўстлик ришталари боғлаб туриши, мамлакатлар ўртасидаги манфаатли ҳамкорлик йилдан-йилга мустаҳкамланиб бораётганини таъкидлади.
“Биз ҳамкорликни мустаҳкамлаш, товар ва маҳсулотлар алмашинувини ошириш тарафдоримиз. Сўғд вилоятида ҳамкорликни ривожлантириш учун кенг имкониятлар мавжуд”, — деди Ражаббой Аҳмадзода.
Шу билан бирга, вилоят раҳбари Суғд вилояти Корея Республикаси инвесторлари билан машинасозлик, маиший техника ишлаб чиқариш ва инновацион иссиқхоналар ташкил этиш бўйича қўшма корхоналар ташкил этиш бўйича ҳамкорлик қилишга тайёрлигини таъкидлади.
Учрашув давомида дўстона муносабатларни мустаҳкамлаш ва янада ривожлантириш, жумладан, янги лойиҳаларни амалга оширишда Корея ишбилармон доираларининг иштирокини таъминлаш юзасидан фикр алмашилди.