Қора денгизда Руминия ҳарбий кемаси минага урилиб портлади
Руминия ҳарбий кемаси Қора денгиздаги Констанца порти ҳудудида зарарсизлантирмоқчи бўлган минага бориб урилган, деб хабар бермоқда мамлакат ҳарбий денгиз кучлари.
«Лейтенант Димитрие Николеску» кемаси 8 сентябрь куни миналар сузиб юрган ҳудудга уларни зарарсизлантириш учун келган. Гарчи, қоронғу тушгани учун барча хавфсизлик чоралари кўрилганига қарамай, об-ҳаво ноқулайлиги сабабли кема оқим оқизиб келган минага бориб урилган», – дейилади хабарда.
Мина портлаши натижасида кемада тешик пайдо бўлган. Кеманинг 75 кишидан иборат экипаж аъзолари жабр кўрмаган.
Руминия ҳарбий денгиз кучлари бош штаби бошлиғининг буйруғига кўра, зарар кўрган кемани тортиб келиши учун воқеа жойига «Грозавул» кемаси жўнатилган.