Тожикистон, Россия ва Қирғизистон давлат раҳбарларининг уч томонлама учрашуви
13 октябрь куни Россия томони ташаббуси билан Қозоғистон Республикаси Остона шаҳрида Тожикистон Республикаси Президенти Эмомали Раҳмон, Россия Федерацияси Президенти Владимир Путин ва Қирғизистон Республикаси Президенти Садир Жапаровнинг уч томонлама учрашуви бўлиб ўтди.
Учрашувда давлат раҳбарлари Марказий Осиёда минтақавий хавфсизлик ва барқарорликни таъминлаш масалалари юзасидан фикр алмашдилар.
Учрашувда Тожикистон ва Қирғизистон ўртасидаги давлат чегарасини делимитация ва демаркация қилиш бўйича музокаралар жараёни муҳокама қилинди.
Томонлар масалаларни фақат сиёсий ва дипломатик йўллар билан, шунингдек, аввал келишилган келишувларга мувофиқ делимитация ва демаркация бўйича ҳукумат гуруҳлари ва экспертлар ишини фаоллаштириш йўли билан ҳал қилиш зарурлигига келишиб олдилар.