Тожикистон Республикаси Президенти Эмомали Раҳмон Эрон Ислом Республикаси Президенти Сайид Иброҳим Раисийга ҳамдардлик билдирди
Бугун Тинчлик ва миллий бирлик асосчиси – Миллат пешвоси Тожикистон Республикаси Президенти муҳтарам Эмомали Раҳмон Эрон Ислом Республикаси Президенти Сайид Иброҳим Раиси номига таъзия мактуби йўллади, унда шундай дейилган:
“Жаноби олийлари
Шероз шаҳридаги Шоҳчарўг зиёратгоҳига уюштирилган ваҳшийларча ҳужум натижасида тинч аҳолининг ўлими ва жароҳатланиши муносабати билан Сизга ва марҳумларнинг яқинларига чуқур ҳамдардлик билдираман.
Биз ушбу террорчилик ҳаракатини кескин қоралаймиз ҳамда терроризм ва экстремизмнинг барча кўринишларига қарши биргаликда курашни доимий равишда кучайтириш зарурлигини таъкидлаймиз.
Ўлганлар учун Худодан раҳмат ва мағфират, жабрланганларга эса тўлиқ шифо тилайман”.