Давлатимиз раҳбари Эмомали Раҳмон Хўжанд шаҳридаги 28-умумий ўрта таълим муассасаси биносини фойдаланишга топширди
15-ноябр куни Тинчлик ва миллий бирлик асосчиси – Миллат пешвоси, муҳтарм Эмомали Раҳмон томонидан Сўғд вилояти маркази – Хўжанд шаҳрида 28-умумий ўрта таълим муассасаси биносининг очилиш маросими бўлиб ўтди.
Тўрт қават ва ертўладан иборат янги муассасада ўқувчиларнинг таълим-тарбия олиши учун зарур шарт-шароит яратилган. Хусусан, муассаса биносида 20 та ўқув хонаси ва 8 та алоҳида техник кабинет мавжуд бўлиб, уни жиҳозлаш замонавий саноат талаблари асосида ниҳоясига етказилган.
Ташриф чоғида муҳтарам юртбошимиз Эмомали Раҳмонга 28-сонли умумий ўрта таълим муассасаси қарийб 1300 нафар ўқувчига мўлжалланганлиги маълум қилинди.
Янги муассасада қизлар ва ўғил болалар учун касб-ҳунарга ўргатиш учун алоҳида ўқув хоналари, чет тилларини ўрганиш учун 1 та алоҳида синф хоналари ташкил этилди. Бу синфхоналарда таълим замонавий замон талаблари ва тан олинган усулларни ҳисобга олган ҳолда олиб борилади. Аниқ фанлар бўйича кадрлар тайёрлаш сифатини ошириш мақсадида муассасанинг янги биносида кимё, физика ва биология фанларидан тажрибалар ўтказиш учун зарур тажриба қурилмалари билан жиҳозланган 3 та лаборатория қурилди. Мактабда шунингдек, юқори тезликдаги интернетга уланган 2 та алоҳида IТ-синф мавжуд.