Шуғнонда табиий офатдан жабр кўрган оилага Миллат пешвоси номидан янги уй калити топширилди
16-ноябр куни уй-жой қурилиши якунланган Шуғнон ноҳияси Поршинев қишлоғида яшовчи Асанбек Бекназаровга юртбошимиз Эмомали Раҳмон номидан янги уй калити топширилди.
Қурилган уй 3 хонали, ошхона, ҳаммом, умумий майдони 146 16 м2 бўлиб, барча маиший техника ва яшаш шароитлари билан жиҳозланган.
Уй калитларини топшириш маросимида Шуғнон нохияси раиси Жума Жумазода, “Помир Энержй” компанияси бош директори Амрихон Раҳимов иштирок этиб, уй калитларини тантанали равишда эгасига топширди.
Эслатиб ўтамиз, жорий йилнинг 16 март куни Шуғнон ноҳияси Паҳшори қишлоғида кучли қор ёғиши ва қор кўчкиси натижасида Асанбек Бекназаровнинг уйи бутунлай вайрон бўлган эди. Қурилиш ва ободонлаштириш ишларининг бориши давлатимиз раҳбарининг бевосита эътиборида бўлди.
Энг қисқа вақт ичида жабрланган оила учун янги турар-жой қурилди.
Янги қурилган уй соҳиби мамлакат раҳбариятига, Шуғнон ноҳияси ижроия органига, Энергетика ва сув хўжалиги вазирлиги ҳамда “Помир Энержй” компаниясининг бундай инсонпарварлик ҳаракатларидан мамнун бўлиб, юртимиз ободончилигига ўз миннатдорчилигини билдирди.