Amazon ходимларини ишдан бўшатмоқда
Amazon онлайн-савдо компанияси иш ўринларини қисқартириш режасини амалга оширишни бошлади, деб хабар бермоқда CNBC телеканали ишдан бўшатилган ходимларга таяниб.
Бундан аввалроқ The New York Times газетаси Amazon 10 минг ходимини ишдан бўшатишни режалаштираётгани ҳақида ёзган эди. Бу компания корпоратив штабининг тахминан 3 фоизини ташкил этади.
«Amazon ходимларини бўшатишни бошлади. Компания бир неча бўлимларини шу ҳақда огоҳлантирди», – дейилади телеканал тарқатган хабарда.
Amazon дунёдаги энг йирик онлайн-савдо компанияларнинг бири ҳисобланади. Компания АҚШдан ташқари, яна Канада, Хитой, Бразилия, Япония ва Европа мамлакатларида ҳам фаолият юритади. Amazon.com интернет-дўкони 1995 йил июлда ишга туширилган эди.