Покистонда масжидда уюштирилган портлаш қурбонлари 100 кишига етди
Geo телеканали расмийларга таяниб ушбу маълумотни тарқатмоқда. Аввалроқ теракт қурбонлари сони 93 кишига етгани айтилган эди. “Портлаш натижасида ҳалок бўлганлар сони 100 кишига етди, 221 киши жароҳат олган”, – дейилади телеканал тарқатган хабарда.
Масжиддаги портлаш 30 январь, душанба куни тахминан маҳаллий вақт билан 13.40да намоз вақтида содир бўлган.
Гувоҳларнинг сўзларига кўра, у ерда юздан ортиқ одам бўлган, тўпланганларнинг аксарияти полиция, армия ва сапёрлар вакиллари эди. Портлашни худкуш-террорчи амалга оширган.
Ҳодиса оқибатида масжиднинг бир қисми ва бинонинг томи қулаб тушгани айтилмоқда.