2023 йилда тожик деҳқонлари 186 минг гектар майдонга чигит экишади
Бу йил истиқболга кўра 186 минг гектар майдонга чигит экиш мўлжалланмоқда.
Таъкидлаш жоизки, ўтган йили мамлакатимиз фермерлари белгиланган истиқболларни тўлиқ амалга ошириб, 181 минг 542 гектар майдонга чигит экишди.
2021-йилда мамлакатимизда 405 минг 911 тонна пахта ҳосили олиниб, ҳар гектардан ўртача 23,3 центнердан ҳосил олинди. Статистик маълумотларга кўра, республикада 404 минг 655 тонна “оқ олтин” териб олинди.
Айтиш керакки, ўтган йили жаҳон бозорида пахта нархи 30 фоизга ошди. Мутахассисларнинг фикрича, ҳозир бу кўрсаткич камида охирги 10 йилдаги рекорддир.
Пахта нархининг ошишига ғайритабиий иссиқлик сабаб бўлган. Чунки мисли кўрилмаган жазирама пахта етиштирувчи мамлакатлар, жумладан, Ҳиндистон, Хитой ва АҚШда ҳосилни ўртача 30 фоизга камайтирди.
Айтиш жоизки, пахта енгил саноат учун экспорт маҳсулоти ва хомашёларидан биридир. Шундай экан, пахтакорларнинг асосий мақсади мўл ҳосил етиштиришдир. Мамлакатимиз қишлоқ хўжалиги олимларининг таъкидлашича, ғўзадан мўл ҳосил етиштиришнинг асосий шартларидан бири чигит турини тўғри танлаш ва агротехник ишларни тўғри бажаришдир.