Қирғизистон Республикаси Президенти Садир Жапаров билан учрашув
2023-йилнинг 2-июн куни Чўлпон-Ота шаҳрида Тинчлик ва миллий бирлик асосчиси – Миллат пешвоси , Тожикистон Республикаси Президенти муҳтарам Эмомали Раҳмон Қирғизистон Республикаси Президенти Садир Жапаров билан учрашди.
Давлат раҳбарлари сиёсий, савдо-иқтисодий, маданий-гуманитар ва бошқа соҳалардаги Тожикистон-Қирғизистон муносабатларининг ҳолати ва истиқболларини муҳокама қилдилар, минтақавий ва халқаро кун тартибидаги масалалар юзасидан фикр алмашдилар.
Музокаралар чоғида Тожикистон-Қирғизистон давлат чегарасини делимитация ва демаркация қилиш масаласига алоҳида эътибор қаратилди.
Президентлар икки давлат ўртасидаги қарийб 626 километр узунликдаги Давлат чегарасининг лойиҳа чизиғини келишишда эришилган натижалардан мамнунлигини билдирди, унинг 102 километри сўнгги 1,5 йилда аниқланган. Шу билан бирга, музокараларни самарали давом эттириш, ўзаро ҳурмат ва ишончга асосланган ўзаро мақбул ечимларни излаш тарафдори бўлди.
Давлат раҳбарлари икки давлат ўртасидаги дўстлик ва яхши қўшничилик ришталарини сақлаб қолиш муҳимлигини яна бир бор таъкидлаб, юзага келаётган барча муаммоларни фақат сиёсий-дипломатик йўллар билан ҳал этиш тарафдори эканини таъкидладилар.