Миллат пешвоси Эмомали Раҳмон Кўлоб шаҳридаги йўл-транспорт ҳодисаси қурбонларининг оила аъзоларига чуқур ҳамдардлик билдирди
Кеча кечқурун Хатлон вилоятининг Кўлоб шаҳрида мудҳиш воқеа – йўл-транспорт ҳодисаси содир бўлди.
Техник носозлик туфайли юк машинаси йўловчи автомобили ва иккита турар-жой биноси билан тўқнашиб кетган, натижада 10 киши ҳалок бўлган, яна бир неча киши жароҳатланган.
Тожикистон Республикаси Президенти, Миллат пешвоси Эмомали Раҳмон ҳалок бўлганларнинг оила аъзоларига чуқур ҳамдардлик билдириб, жароҳатланганларнинг тезроқ соғайиб кетишини тилади.
Давлат раҳбари, шунингдек, тегишли тузилма ва мутасаддиларга ҳалок бўлганларнинг оила аъзоларига моддий ёрдам кўрсатиш, жабрланганларга тиббий ёрдам кўрсатиш, бузилган уй-жойларни тиклаш бўйича зудлик билан чора-тадбирлар кўриш бўйича топшириқлар берди.