Тожикистон Халқаро туризм ва тадбиркорлик университети билан Қатарнинг Лусейл университети ўртасида ҳамкорлик шартномаси имзоланди
Тожикистон Халқаро туризм ва тадбиркорлик университети билан Қатар Давлатининг Лусаил университети ўртасида ҳамкорлик шартномаси имзоланди, унга кўра бу ҳамкорлик келажакда янада мустаҳкамланади, дея хабар беради “Ховар” ТМАА Тожикистон Халқаро туризм ва тадбиркорлик университетига таяниб.
Ушбу ҳужжат Давҳа шаҳрида Тожикистон Халқаро туризм ва тадбиркорлик университети ректори Убайдулло Асрорзоданинг Қатарнинг Лусейл университети ректори, доктор Низом Муҳаммад билан Тожикистон-Қатар инвестиция форуми учрашуви доирасида имзоланди.
Шу билан бирга, суҳбатдошлар “яшил” иқтисодиёт йўналишларида қўшма лойиҳаларни амалга ошириш, таълимни рақамлаштириш, эксперимент ўқув марказини ташкил этиш, таълим жараёнидаги моддий-техника базасини мустаҳкамлаш бўйича ҳамкорликни кенгайтиришга оид масалаларни муҳокама қилдилар.
Тожикистон Халқаро туризм ва тадбиркорлик университети раҳбарияти ва вакиллари Тожикистон ва Қатар сармоявий форумида иштирок этиб, инвесторлар, ишбилармонлар ва Қатар давлат молиялаштириш фондлари вакиллари билан Б2Б форматида учрашув ўтказдилар.