Тожикистон терма жамоаси 1/4 финал босқичига йӯлланма олди
28 январ куни футбол бӯйича 2023 йил Осиё кубоги 1/8 финал ӯйинида футбол бӯйича Тожикистон терма жамоаси Бирлашган Араб Амирликлари терма командасини мағлубиятга учратиб, 1/4 финал босқичига йӯлланма олди.
Ӯйиннинг биринчи қисмида Тожикистон терма жамоаси ҳисобни очди ва шу тариқа ӯйиннинг асосий даври Тожикистон миллий жамоаси фойдасига ҳал бӯлди. Қӯшимча дақиқаларда ӯйин 1:1 ҳисобига якунланди. 30 дақиқа қӯшимча таймда ҳам ғолиб аниқланмади. 11 метрлик зарбалар сериясида Тожикистон терма жамоаси 5:3 ҳисобида ғолибликни қӯлга киритди.
Тожикистон ва Бирлашган Араб Амирликлари терма жамоалари ӯйини Давҳа шаҳри Аҳмад ибн Али стадионида бӯлиб ӯтди.
Тожикистон терма жамоаси 1/4 финал босқичида Ироқ ва Иордания жуфтлиги ӯйини ғолиби билан 2 феврал куни куч синашади.
Айтиш жоизки, футбол бӯйича Тожикистон терма жамоаси Осиё кубогидаги илк иштирокида сезиларли ютуқларни қӯлга киритди.
Сӯнгги йилларда мамлакат Ҳукумати томонидан кӯрсатилаётган доимий қӯллаб-қувватлаш ва машғулотлар учун шароитлар яратилгани спорт соҳасини ривожлантиришга хизмат қилмоқда
Эслатиб ӯтамиз, 22 январ куни Давҳа шаҳрида Тинчлик ва миллий бирлик асосчиси, Миллат пешвоси, Тожикистон Республикаси Президенти муҳтарам Эмомали Раҳмон Қатар Давлатига давлат сафари доирасида футбол бӯйича Тожикистон Республикаси терма жамоаси билан учрашган эди.
Самимий суҳбат чоғида Давлат бошлиғи, Тожикистон Республикаси Миллий олимпиада комитети Президенти муҳтарам Эмомали Раҳмон Тожикистонда футболни ривожлантириш, соҳани давлат томонидан қӯллаб-қувватлаш футболни оммалаштириш ва Тожикистон Футбол Федерациясининг самарали фаолияти ҳақида ӯз фикр мулоҳазаларини билдирди.