Рустами Эмомали «Жаҳон футбол куни»ни эълон қилиш ташаббусини илгари сурди
Тожикистон Республикаси Олий Мажлиси Миллий мажлиси Раиси, Душанбе шаҳри раиси, Марказий Осиё футбол ассоциацияси президенти, Тожикистон футбол федерацияси президенти муҳтарам Рустами Эмомали футболнинг жаҳон миқёсидаги ролини инобатга олган ҳолда, Бирлашган Миллатлар Ташкилоти Бош Ассамблеясининг махсус резолюциясини қабул қилиб, «Жаҳон футбол куни»ни эълон қилиш ташаббусини илгари сурди.
«Маълумки, инсоният ҳаётидаги спорт саломатликни яхшилаш ва соғлом турмуш тарзини олиб боришнинг энг яхши усулларидан бири, шунингдек, турли халқлар ўртасидаги энг муҳим алоқа воситасидир. Ер сайёрасидаги одамлар 150 йилдан ортиқ вақт давомида футбол ўйнашади ва бу ўйин пайдо бўлганидан бери битта вазифа ва битта мақсадга эга, яъни одамларни бирлаштириш. Бугунги кунда, ҳатто дунёдаги энг кичик мамлакатида ҳам одамлар футбол ӯйнашади, яъни футбол инсон онгининг маҳсули сифатида оддий ўйиндан инсониятни бирлаштирувчи омилга айланди. Маълумки, мамлакатларда футболни баъзан спорт деб аташади, лекин бу шунчаки ўйин эмас. Ушбу спорт миллий чегараларни, тил тўсиқларини ва ижтимоий-иқтисодий фарқларни кесиб ўтадиган умуминсоний маданият ҳодисасидир. Бу дунёни бирлаштирадиган ва унверсал тилида гапирадиган спорт тури, бу ҳаммага яхши маълум, яъни катта шаҳарларнинг мухлислари билан тўлган кўчалардан тортиб, футболни биладиган ва ўйнайдиган дунёнинг энг чекка қишлоқларигача. Шуни ёдда тутган ҳолда, мен футболнинг глобал миқёсдаги ролини эътироф этиб, Бирлашган Миллатлар Ташкилотининг Бош Ассамблеясининг махсус резолюциясини қабул қилиш орқали Бирлашган Миллатлар ташкилотида «Жаҳон футбол куни» ни расман эълон қилишни таклиф қиламан», – дейилади муҳтарам Рустами Эмомалининг таклифида.