15-21 август дар шаҳри Софияи Булғористон Чемпионати ҷаҳон оид ба гуштин миёни ҷавонони то 20-сола баргузор мешавад. Ҷумҳурии Тоҷикистонро дар он 3 нафар варзишгар муаррифӣ мекунанд.
Бино ба иттилои Иттиҳоди ҷаҳонии гуштинҳо (UWW), барои иштирок дар чемпионат ҳудуди 600 варзишгар аз 53 давлат номнавис шудаанд. Аз ҷумҳурии мо 3 нафар – Мустафо Ахмедов (70кг) дар гуштини тарзи озод, Фирӯз Мирзораҷабов (60кг) ва Шероз Очилов (72кг) дар гуштини юнонӣ-римӣ ба Булғористон сафарбар мегарданд.
Қувваозмоиҳо 15 август бо гуштини тарзи озод оғоз мегардад. Баъдан гуштини занона ва дар се рӯзи охир сабқатҳои гуштини юнонӣ-римӣ доир хоҳад шуд. Дар асоси барномаи чемпионат Мустафо 15-16 август, Фирӯз ва Шероз 20-21 август гуштин мегиранд. Рӯзи аввал марҳилаи интихобӣ ва рӯзи дуюм финал ба нақша гирифта шудааст.
Қайд кардан ба маврид аст, ки дар Чемпионати ҷаҳон оид ба гуштин миёни наврасон соли 2019 дар Софияи Булғористон дар равияи гуштини юнонӣ-римӣ Шероз Очилов дар вазни 65кг медали нуқра ва Фирӯз Мирзораҷабов дар вазни 55кг медали биринҷӣ ба даст овардаанд.
АХБОРИ МОНАНД:
Паҳлавонони тоҷик дар Мусобиқаи «Zagreb Grand Prix 2022» оид ба дзюдо иштирок мекунанд
Беҳрӯз ва Комроншоҳ дар “Grand Slam Hungary 2022” ҷои ҳафтумро гирифтанд
Кишвари мо мизбони боз як мусобиқаи байналмиллалӣ мегардад
Пирузии навбатии Мунтахаби бонувони Тоҷикистон дар Олимпиадаи умумиҷаҳонии шоҳмот
