Тибқи маълумоти пойгоҳи таҳқиқи “DownDetector”-и ИМА, сар аз субҳи имрӯз корбарон дар саросари ҷаҳон бо мессенҷери “WhatsApp” мушкил пайдо кардаанд.
“Камбудӣ тақрибан даҳ соат боз идома дорад ва то ҳол дар бораи пайдо шудани мушкилӣ бо ин барнома дар ҳудуди Британияи Кабир, ИМА, Аврупо, Россия ва қисман кишварҳои Осии Миёна беш аз 700 000 шикоят сабт шудааст. Аз ҷумла, тавассути паёмрасон ягон хел паём фиристода намешавад ва корбарон, инчунин, аз мушкилоти пайвастшавӣ ба сервер шикоят кардаанд”,-навиштааст сомонаи расмии ин паёмрасон.
Дар Ҷумҳурии Тоҷикистон низ аксари корбарони шабакаҳои иҷтимоӣ, аз ҷумла истифодабарандагони Фейсбук аз қатъи фаъолияти ин паёмрасон шикоят кардаанд. Тибқи иттилои сомонаи паёмрасон, аз аввали сол ин бузургтарин нокомии ширкати “WhatsApp” аст.
