15 феврали соли 2023 муовини вазири корҳои хориҷии Ҷумҳурии Тоҷикистон Шараф Шерализода сафири Подшоҳии Муттаҳидаи Британияи Кабир ва Ирландияи Шимолӣ дар Ҷумҳурии Тоҷикистон Тим Ҷонсро ба ҳузур пазируфт. Дар ин бора Вазорати корҳои хориҷии Ҷумҳурии Тоҷикистон хабар дод.
Дар ҷараёни мулоқот масъалаи баргузории аввалин Форуми сармоягузории Тоҷикистону Британияи Кабир, ки 28-29 марти соли 2023 дар шаҳри Лондон доир мегардад, мавриди баррасӣ қарор гирифт.
Ҷонибҳо ҳамчунин дар атрофи дурнамои рушди ҳамкориҳои Тоҷикистону Британияи Кабир роҷеъ ба соҳаҳои иқтисоду тиҷорат, сармоягузорӣ ва дигар самтҳои афзалиятнок табодули назар намуданд.
АХБОРИ МОНАНД:
Ҳайати ҳукуматии Тоҷикистон дар Анҷумани тиҷоратии EBRD дар Лондон ширкат варзид
Сафири Тоҷикистон дар Олмон дар сафари шиносоӣ-иттилоотӣ ба Бавария бо Президенти федеролӣ иштирок намуд
Иштироки Саъдӣ Каримзода дар ҷаласаи 7-уми вазирони кишоварзии кишварҳои узви Созмони ҳамкории иқтисодӣ
Тоҷикистону Фаронса роҳандозии мактаби синамонигорон дар соли 2023-ро баррасӣ намуданд
