Дар институти Осиё ва Аврупои назди Академияи миллии илмҳои Тоҷикистон тибқи як барномаи омӯзиши забони тоҷикӣ барои донишҷӯёни донишгоҳи Оксфорди Британияи Кабир пиёда карда шудааст. Дар барномаҳои дарӣ Рофеъ Юсуф ва Илуиз Стивен ду тан аз донишҷӯёни донишгоҳи Оксфорд, ки дар институти Осиё ва Аврупо забони тоҷикӣ меомӯзанд, иштирок намуданд, ки ҳоло ба фишурдаи як лаҳзаи суҳбати Рофеъ Юсуф ва Илуиз Стивен таваҷҷӯҳ фармоед:
Рофеъ шумо бигуед, чаро дар миёни забонҳои зиёди ҷаҳон ба забони форсӣ-тоҷикӣ таваҷҷӯҳ намудед?
-Мероси фарҳангии ин минтақа ва ин мардум аз ҷумлаи таърих, меъморӣ, илм, ҳунар ҳамачиз воқеан беназир аст ва фаҳмидани ин арзишҳо барои ман бисёр ҷолиб буд, ба ҳамин далел забони форсии тоҷикӣ ёд мегирам.
-Пештар бо забони тоҷикӣ ошноӣ доштед?
-Бале мо дар шуъбаи шарқшиносии донишгоҳи Оксфорд забони форсӣ бо шеваи эронӣ-теҳронӣ мехонем ва феълан дар Тоҷикистон ба шева ва забони тоҷикӣ низ ошно шудем.
-Рафеъҷон, тибқи мушоҳидаи шумо лаҳҷаи эронӣ бо лаҳҷаи тоҷикӣ тафовут зиёд дорад?
-Фикр мекунам, ки талафузи тоҷикӣ ширинтар аст, чунки албата мо донишҷӯёни шарқшиносӣ ҳастем ва вақте, ки адабиёти классикии форсиро мехонем забон он ба лаҳҷаи тоҷикӣ наздиктар аст.
— Илуиз шумо, ки барои омӯзиши забони тоҷикӣ ба Тоҷикистон омадед, ҳамзамон ба кадом бахшҳои ҳаёти кишвар ва мардуми мо ошно шудед?
-Мо ба сартосари Тоҷикистон сафар кардем, ҷойҳои таърихиву фарҳангиро тамошо кардем, аммо ман мехоҳам, ки баъди баргаштан ба ватанам, боз ба Тоҷикистон биёям.
Шунавандаҳои бахши дарии радиои”Овози тоҷик” метавонанд шакли комили барномаро рӯзи сешанбе соати 10 : 15 шунаванд!
АХБОРИ МОНАНД:
Иштироки ҳайати Тоҷикистон дар Форуми байналмилалии волонтёрони Осиёи Марказӣ
«Бехатарии обӣ – асоси рушди устувор»- таҳти ин унвон дар Душанбе Конференсияи байналмилалии илмӣ-амалӣ доир мешавад
КТР барои қабули овозхонон ва мутрибон озмун эълон менамояд
То ба имрӯз дар ҷумҳурӣ 9500 тонна пахта ҷамъоварӣ гардид. Имсол ҳосили он ба 425000 тонна расонида мешавад
