Имрӯз дар Маркази стратегии назди Президенти Ҷумҳурии Тоҷикистон конфронси илми-амали дар мавзӯи «Ташаккул ва рушди “Иқтисоди сабз” ҳамчун яке аз самтҳои таъмини амнияти иқтисодии Ҷумҳурии Тоҷикистон» баргузор гардид . Дар ин бора хабарнигори радиои “Овози тоҷик” Зарангез Гирдакова хабар медиҳад.
Конфронсро Хайриддин Усмонзода раиси Маркази стратегии назди Президенти Ҷумҳурии Тоҷикистон конфронсро ифтитоҳ намуда, дар бораи аҳамияти рушди иқтисоди сабз барои ҷумҳурии мо ва ҳамкориҳои кишварҳои минтақа иттилои мухтасар доданд.
Дар конфронс ҳамчунин коршиносон аз АМИҶТ, коршиносони маркази стратегӣ, коршиносон аз Донишгоҳи миллии Тоҷикистон, Донишгоҳи давлатии тиҷоратии Тоҷикистон ва соири ниҳодҳои ҷумҳурӣ дар иртибот ба мавзӯъҳои омилҳои самараноки иқтисоди «сабз» дар Тоҷикистон ва таваҷуҳи кишварҳои минтақа ва ҷаҳон ба он суханронӣ намуданд.
Дар нишасти мазкур зикр гардид, ки истифодаи манбаъҳои манбаъҳои барқароршаванда, ба мисли иншоотҳои гидроэнергетикӣ, аз он ҷумла, дарёҳои Тоҷикистон асоси роҳандозӣ ва истифодаи васеи иқтисоди сабз мебошад.
Дар ҳамоиши мазкур зикр гардид, ки кишварҳои рушдёфтаи ҷаҳон мегуянд, ки бо вуҷуди иқтисоди пешрафтаашон ҳануз сармоя барои рушди бештари иқтисоди сабз намерасад. Тоҷикистон бояд аз захираҳои обии худ барои рушди иқтисод, махсусан сохмони неругоҳҳои барқи обӣ бештар истифода намояд. Ҳамчунин ҷалби сармоягузор ва роҳҳои ҷалби теъдоди бештари онҳо дар татбиқи ҳадафҳои «Иқтисоди сабз» яке аз дигар пешниҳоди коршиносони иштирокдор дар конфронс матраҳ шуд.
