Дар давраи ҳисоботӣ бо мақсади ҳамкорӣ ва ҷалби бештари сайёҳон 4 санади ҳамкорӣ бо кишварҳои хориҷӣ ба имзо расонида шуда , дар маҷмӯъ 16 санади ҳамкорӣ бо кишварҳои хориҷӣ ва созмонҳои байналмилалӣ, аз ҷумла Аморати Муттаҳидаи Араб, Шри- Ланка, Урдун, Ӯзбакистон, Қазоқистон, Русия, Швейтсария, Фаронса, Кувайт, Туркманистон, Озарбойҷон, Эрон, Белоруссия, Қатар ва Созмони ҳамкории Шангхай ба имзо расонида шудааст. Изҳор дошт раиси Кумитаи сайёҳӣ ва ҳунарҳои мардумии назди Ҳукумати Ҷумҳурии Тоҷикистон, Камолиддин Муъминзод зимни нишасти матбуотӣ.
Ҷиҳати рушди соҳаи сайёҳӣ ва муаррифии иқтидорҳои соҳаи сайёҳии кишвар махсусан сайёҳии табобатӣ, экологӣ ва кӯҳнавардӣ 27 чорабинӣ дар дохилии кишвар ва 20 чорабинии сатҳи байналмилалӣ баргузор карда шуданд. Аз ҷумла, бо мақсади муаррифии имкониятҳои сайёҳии мамлакат дар давраи ҳисоботи кумитадар 6 намоишгоҳҳои байналмилалии сайёҳии кишварҳои Эрон, Русия, Британияи Кабир, Аморат Муттаҳидаи Араб ва Арабистони Сақдӣ фаъолона иштирок намуд.
Ҳамзамон, бо мақсади муаррифии имкониятҳои сайёҳии мамлакат дар давраи ҳисоботи сабти барномаи телевизиюнии » Магия вкуса» тариқи шабакаи » Моя планета » , сабти барномаи телевизиюнии » Поедем, поедим» тавассути шабакаи HTB ва сабти видеороликҳои рекламавӣ бо хронометражни 15 ,30 ва 120 сония тариқи шабакаи ҷаҳонӣ BBC World News ба анҷом расид.
Тибқи маълумоти оморӣ шаҳрвандони хориҷие, ки ба Тоҷикистон ташриф оварданд , бо дарназардошти ҳама намуди мақсадҳои сафар 627 931 нафарро ташкил намуд, ки нисбат ба нисбат ба нимсолаи якуми соли гузашта 181ҳазору 867 нафар ва ё 40.7 бештар аст.
Фурӯҳар Тоҳирӣ
