Расонаҳои давлатии Чин гузориш доданд, ки бар асари заминларза дар минтақаи Гансуи ин кишвар 111 нафар кушта ва беш аз 230 нафар захмӣ шудаанд.
Расонаҳои Чин шиддати заминларзаи шаби душанбеи 27 августро 6,2 дараҷа арзёбӣ кардаанд.
Маркази зилзилашиносии Урупо ва Миёназамин шиддати ин заминларзаро 6,1 дараҷа эълом кардааст.
Бино ба гузоришҳо, маркази заминларза дар минтақаи марзии байни Гансу ва Чинхай, ду вилояти шимолу ғарби Чин будааст.
Комиссияи миллии пешгирӣ аз офатҳои табиӣ, рафъи оқибатҳои офатҳои табиӣ ва рафъи кумаки Чин ва Вазорати умури изтирории ин кишвар дар пайи заминларза сатҳи огоҳии “чор”-ро фаъол карданд.
Гуфта мешавад, ки дар ин заминларза бархе аз зерсохторҳои об, барқ, нақлиёт ва иртиботот низ осеб дидаанд.
Ба дунболи заминларза низ дастикам 9 пасларза бо шиддати 3,0 дараҷа рух дод.
