Дар Донишгоҳи байналмилалии забонҳои хориҷии Тоҷикистон 395 нафар шаҳрванди хориҷӣ ба таҳсил фаро гирифта шудааст

Донишгоҳи байналмилалии забонҳои хориҷии Тоҷикистон 48 нафар донишҷӯёнро барои идомаи таҳсил ба хориҷи кишвар сафарбар намуданд.Ин нуктаро зимни нишасти матбуотӣ Ҷилло Гулназарзода — Ректори Донишгоҳи байналмилалии забонҳои хориҷии Тоҷикистон ба рӯзноманигорон иттилоъ дод.

Соли қабл дар Донишгоҳ 8 нафар омӯзгорони хориҷӣ ба фаъолият шурӯъ намуданд. Инчунин, 23 нафар омӯзгорон ва кормандони Донишгоҳ дар хориҷи кишвар аз такмили ихтисос ва бозомӯзӣ бомуваффақият гузаштааст.

Бино ба иттилои Ҷилло Гулназарзода — Ректори Донишгоҳи байналмилалии забонҳои хориҷии Тоҷикистон ба номи С.Улуғзода, дар соли 2023 барои ба имзо расонидани Созишномаҳо, иштирок дар семинару форму конфронсҳои байналмилалӣ ва дигар чорабиниҳо, Раёсати донишгоҳ , кормандони омӯзгорон ба давлатҳои Федератсияи Россия , Белорусия ,Қазоқистон, Ҷумҳурии мардумии Чин , Ҷопон, Ҳиндустон , Ҷумҳурии Булғория ва дигар давлатҳои дуру наздик 59 нафар сафарбар гардидааст.

Дар ҷараёни нишасти хабари гуфта шуд , ки феълан дар Донишгоҳи байналмилалии забонҳои хориҷии Тоҷикистон 395 нафар шаҳрванди хориҷӣ аз ҷумҳириҳои Ӯзбекистон,Туркманистон,Қирғизистон , Афғонистон ва Арабистони Саудӣ ва 13 нафар шаҳрванди хориҷӣ ба ҳайси шунавандаи забономӯз дар назди кафедраҳо ба таҳсил фаро гирифта шудаанд.