22 марти соли 2025 дар шаҳри Ашхобод дар доираи таҷлили Ҷашни байналмилалии Наврӯз чорабинии «Таомҳои кишварҳои ҷаҳон» баргузор шуд. Дар ин хусус ба АМИТ “Ховар” аз Сафорати Ҷумҳурии Тоҷикистон дар Туркманистон хабар доданд.
Дастархони аз ҷониби Сафорати Ҷумҳурии Тоҷикистон омодашуда ба Президенти Туркманистон Сердар Бердимуҳамедов пешкаш карда шуд.
Ба Роҳбари Туркманистон таомҳои миллии мардуми тоҷик, номинаҳои либосҳои миллӣ, сангҳои нимқимматбаҳо, зарфҳои дорои нақшу нигори миллӣ ва баъзе анъанаҳои фарҳангӣ муаррифӣ карда шуданд.
Дар қисмати дуюми чорабинӣ, ҳамватанони бурунмарзӣ ва меҳмонони зиёд, намояндагони корпуси муқими дипломатӣ ва ашхоси расмии имкон пайдо намуданд, ки оши палови тоҷикӣ ва дигар таомҳои миллии мардуми тоҷикро бичашанд.
