Имрӯз дар меҳмонхонаи «Ҳилтон Душанбе» бо ташаббуси Кумитаи ҳифзи муҳити зисти назди Ҳукумати Ҷумҳурии Тоҷикистон ва Намояндагии Бонки Осиёии рушд семинари омӯзиши дар мавзӯъи » Тақвияти гузоришҳои илмӣ дар бораи обшавии пиряхҳо ва ҳифзи пиряхҳо» бо иштироки намояндагони ВАО- и ватанӣ бо ҷалби коршиносони байналмилалӣ баргузор гардид. Дар кори семинар вобаста ба масъалаи рӯзномаи пиряхҳо, таъкид шуд, ки ҳадаф аз роҳандозии ҳамоиши мазкур ин баланд бардоштани сатҳи дониш ва малакаи рӯзноманигорон дар самти инъикоси масъалаҳои марбут ба таъсири манфии тағйирёбии иқлим ба пиряхҳо, инчунин инъикоси раванди баргузории » Конфронси байналмилллалии сатҳи баланд оид ба ҳифзи пиряхҳо, ки аз 29 то 31 майи соли ҷорӣ дар шаҳри Душанбе баргузор мегардад мебошад. Дар фароварди семинар миёни коршиносони байналмиллалӣ ва рӯзноманигорон роҷеъ ба паҳлӯҳои мухталифи ҳифзи пиряхҳо, захираҳои обӣ ва дигар масъалаҳои марбут ба обу иқлим суолу ҷавоб сурат гирифт.
АХБОРИ МОНАНД:
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Узбекистон Шавкат Мирзиёев суҳбати телефонӣ анҷом доданд
СОЛИ БАЙНАЛМИЛАЛИИ ҲИФЗИ ПИРЯХҲО. Дар Кумитаи ҳифзи муҳити зист Гурӯҳи кории байниидоравӣ таъсис дода шудааст
Тоҷикистон ва Арабистони Саудӣ ҳамкории дуҷонибаро таҳким мебахшанд
Вазорати фарҳанги Тоҷикистон нахустин маротиба Фестивали либосҳои миллиро баргузор менамояд
