29 июли соли ҷорӣ дар ш. Минск зери раисии сафири Фавқулода ва Мухтори Ҷумҳурии Тоҷикистон дар Ҷумҳурии Беларус, намояндаи ваколатдори доимии Тоҷикистон дар назди мақомоти оинномавӣ ва дигар сохторҳои Иттиҳоди Давлатҳои Мустақил Б. Сафарзода ҷаласаи навбатии Шурои намояндагони ваколатдори доимии кишварҳои иштирокдори ИДМ баргузор гардид.
Дар ҷаласа маърузаи Намояндаи доимии кишвар оид ба рафти татбиқи Консепсияи раёсати Тоҷикистон дар Иттиҳод дар нимсолаи аввали соли равон ироа гардид, ки дар он роҷеъ ба фаъолият дар таҳкими равандҳои ҳамгироӣ ва густариши ҳамкорӣ миёни кишварҳои узви ИДМ дар бахшҳои сиёсӣ, иқтисодӣ, иҷтимоӣ, гуманитарӣ, амниятӣ ва экологӣ натиҷагирӣ шуд.
Ҳамзамон, дар рафти ҷаласа перомуни масъалаҳои омодагӣ ба нишастҳои дарпешистодаи Шурои вазирони корҳои хориҷӣ ва Шурои сарони давлатҳои ИДМ табодули афкор сурат гирифт.
АХБОРИ МОНАНД:
Ҳайати ҳукуматии Тоҷикистон дар Анҷумани тиҷоратии EBRD дар Лондон ширкат варзид
Сафири Тоҷикистон дар Олмон дар сафари шиносоӣ-иттилоотӣ ба Бавария бо Президенти федеролӣ иштирок намуд
Иштироки Саъдӣ Каримзода дар ҷаласаи 7-уми вазирони кишоварзии кишварҳои узви Созмони ҳамкории иқтисодӣ
Тоҷикистону Фаронса роҳандозии мактаби синамонигорон дар соли 2023-ро баррасӣ намуданд
