Дар арафаи оғози соли нави таҳсил бо ташаббуси раиси шаҳри Бохтар 50 нафар хонандаи ятим ва аз оилаҳои камбизоат бо туҳфаҳои мактабӣ ва дигар маводи зарурӣ таъмин гардиданд.
Ин иқдом дар доираи ғамхориҳои бевоситаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва дастгириҳои пайвастаи раиси вилояти Хатлон Давлаталӣ Саид роҳандозӣ гардида, ба дастгирии иҷтимоии кӯдакону наврасони ниёзманд равона шудааст.
Ба хонандагон ҷузвдон, дафтар, қалам ва дигар лавозимоти зарурии мактабӣ тақдим карда шуд. Ин ғамхорӣ ба онҳо имкон фароҳам овард, ки бо рӯҳияи болида ва омодагии зарурӣ ба соли нави таҳсил қадам гузоранд.
Зимни чорабинӣ таъкид гардид, ки дастгирии кӯдакону наврасони ятиму ниёзманд, фароҳам овардани шароити мусоид барои таҳсил ва ғамхорӣ ба ояндаи онҳо аз самтҳои муҳими сиёсати иҷтимоии давлат ба ҳисоб меравад.
Н. Самадзода, «Хатлон»
АХБОРИ МОНАНД:
ДМТ: Устодон барои табодули таҷриба ба хориҷ мераванд
Хонандагони тоҷик дар олимпиадаи байналмилалӣ сазовори 1058 ҷойи ифтихорӣ шуданд
Шарҳи Амри Президенти Ҷумҳурии Тоҷикистон доир ба баргузории Озмуни ҷумҳуриявии ««Тоҷикон» — оинаи таърихи миллат» дар соли 2023
Хушқадамова Омина ғолиби олимпиада дар самти идоракунии захираҳои обӣ шуд
