Хитойдан чиққан юк поезди Марказий Осиё томон йўл олди
13 август куни Шарқий Хитойда жойлашган Цзянсу провинциясидаги Уси шаҳридан чиққан юк поезди Марказий Осиё томон йўл олган.
Хитойда нашр этиладиган етакчи марказий расмий нашр – «Жэньминь жибао» газетасининг ёзишича, юк поездига 1 минг тоннадан зиёд юк жойлаштирилган. Улар, жумладан, умумий бозор қиймати 30 миллион юан (тахминан 4.4 миллион АҚШ доллари) миқдорига тенг бўлган маиший техника ва автомобиллар эҳтиёт қисмларидан иборат.
“Уси шаҳридаги Ғарбий логистика парки маълум қилишича, пандемия бошланганидан кейин маҳаллий ташқи савдо корхоналари товарларини экспорт қилишда қийинчиликларга дуч кела бошлашган, юк ташувчи янги темир йўлининг пайдо бўлиши эса ушбу корхоналар учун янги имкониятларни яратмоқда”, деб ёзади «Жэньминь жибао» газетаси.
ўза.уз