Сув тошқинлари туфайли КХДР ядро синовини кейинга қолдириши мумкин
КХДР ёзда ёққан кучли ёмғирлар туфайли юзага келган сув тошқинлари сабабли ядро синовини кейинга қолдириши мумкин. Чунки сув тошқинлари Пхунгери полигонига маълум миқдорда зиён келтирган, дейилади АҚШнинг Beyond Parallel таҳлил маркази тарқатган ҳисоботда.
24 августдан кейин сунъий йўлдош орқали олинган расмлар таҳлилига таяниб, Beyond Parallel ёмғирлар Пхунгери полигонидан фойдаланишни чеклаб қўйганига «маълум миқдорда далил бор”лигини маълум қилган. Масалан, расмда полигоннинг тўртинчи тоннелида ёмғирдан зиён кўрилгани билиниб турибди. Бу объектга элтувчи ягона ерости йўлини вақтинчалик тўсиб қўйган.