Буркина-Фасода автомобиль йўлида бомба портлаши оқибатида 35 киши ҳалок бўлди
Буркина-Фасонинг шимолида таъминот карвони кетаётган йўлда қўлбола бомба портлаган, натижада 35 киши ҳалок бўлган ва 37 киши жароҳат олган, дейилади, Франс Пресс агентлиги тарқатган хабарда.
«Тинч аҳоли вакиллари кетаётган автомобилларнинг бири йўлда қўлбола йўл билан ясалган портловчи қурилма устидан юриб кетган. Дастлабки маълумотларга кўра, 35 киши воқеа жойида ҳаётдан кўз юмган ва 37 киши яраланган. Уларнинг ҳаммаси тинч аҳоли вакиллари эди, дейилади хабарда.
Фожиа мамлакат шимолидаги жангарилар назоратида бўлган Жибо ва Бурзанга шаҳарлари орасида содир бўлгани айтилмоқда.
Таъминот карвони армия назорати остида пойтахтдан чиқаётган бўлган.
УзА