Тожикистон Республикаси Ташқи ишлар вазирлиги матбуот котиби Шоҳин Самадий Қирғизистон Республикаси Ташқи ишлар вазирлиги матбуот котибининг Тожикистон Республикаси Президенти Эмомали Раҳмон орден билан тақдирлангани муносабати билан билдирган фикрини эътироз, деб атади
У бу эътирозни “қабул қилиб бўлмайдиган ва дипломатик одоб-ахлоқ тамойилларига зид” дея таъкидлаган.
Шоҳин Самадийнинг сўзларига кўра, Қирғизистон Ташқи ишлар вазирлиги матбуот котиби Чингиз Кустебаев Тожикистон Республикаси Президенти Эмомали Раҳмонга 3-даражали “Ватанга хизматлари учун” ордени топширилиши ҳақидаги фикрига норозилик билдирган. У Facebookдаги саҳифасида билдирган фикри бир неча соат ичида Қирғизистон ва Россиянинг аксарият оммавий ахборот воситаларида қайта нашр этилди.
Шоҳин Самадий ўз жавобида “Ахборот маконида иғвогар сўз ва бир томонлама айбловларга йўл қўймаслик тўғрисидаги шартнома”ни имзолашдан қатъи назар, Қирғизистон расмийлари ўзларининг иғвогар сўзларини айтишда давом этишини ва шу йўл билан очко тўплашни исташларини ёзди.
Шунингдек, у Тожикистон Республикаси Ташқи ишлар вазирлиги Қирғизистон раҳбариятининг қарашлари ва ҳаракатларига изоҳ бериш ниятида эмаслигини, чунки у ҳар қандай можарони тинч йўл билан ҳал этиш тарафдори эканлигини таъкидлади.
Шоҳин Самади халқаро ҳамжамият, минтақавий ва халқаро ташкилотларга мурожаат қилар экан, Тожикистон ҳудудида содир этилган қуролли тажовуздан сўнг Қирғизистон ҳукумати ҳам ўзларининг жиноий ҳаракатларини яшириш мақсадида Тожикистонга қарши кенг кўламли ахборот кампаниясини бошлаганини ва бу ҳозиргача давом этаётганини таъкидлади.
Шунингдек, у Тожикистон позициясини тўғри ёритган қирғиз ОАВ вакилларига нисбатан тазйиқ ва таъқиблардан хавотир билдирди.
“Кактус.медиа” мустақил сайти таҳририятига қирғиз-тожик чегарасидаги можаро ҳақида ёлғон маълумот эълон қилгани учун жиноий иш қўзғатилди, бироқ инсон ҳуқуқлари ва сўз эркинлиги ҳимояси бўйича халқаро ташкилотлар бу ишни қилмади. Қирғизистонда оммавий ахборот воситаларини ҳимоя қилинг» – деди афсус билан Шоҳин Самадий.
Эслатиб ўтамиз, жорий йилнинг 4 октябрь куни Россия Федерацияси Президенти Владимир Путин Тожикистон Республикаси Президенти муҳтарам Эмомали Раҳмонни 3 даражали “Ватанга хизматлари учун” ордени билан тақдирлаган эди.
Тожикистон Республикаси Президенти Эмомали Раҳмон Россия Федерацияси ва Тожикистон Республикаси ўртасидаги шериклик ва стратегик иттифоқчилик муносабатларини мустаҳкамлашга қўшган улкан шахсий ҳиссаси учун 3 даражали “Ватанга хизматлари учун” ордени билан тақдирланди.