Тожикистон Республикаси Президенти муҳтарам Эмомали Раҳмон Норак шаҳридаги “Нурсоз” масъулияти чекланган жамиятининг ишлаб чиқариш қувватларини фойдаланишга топширди
24 октябр куни Тинчлик ва миллий бирлик асосчиси – Миллат пешвоси Тожикистон Республикаси Президенти муҳтарам Эмомали Раҳмон томонидан гипсокартон (гипскартон), безак тошлари ва қурилиш маҳсулотлари ишлаб чиқариш корхоналари фойдаланишга топширилди.
Тўртинчи умуммиллий мақсад – “Саноатни ривожлантириш йиллари” (2022-2026-йиллар)ни амалга ошириш ҳамда Давлат мустақиллигининг 35 йиллигини нишонлаш мақсадида Норак шаҳрида янги ишлаб чиқариш корхоналари барпо этилди. Ушбу корхона Тожикистон Республикаси маҳаллий тадбиркорлар, ака-ука Табаровлар ташаббуси билан.
Янги ишлаб чиқариш қувватларининг ташкил этилиши билан 100 дан ортиқ шаҳар аҳолиси, жумладан, маҳаллий уй бекалари доимий иш ва яхши маош билан таъминланди.
Гипсокартон ишлаб чиқариш корхонасида жаҳоннинг илғор мамлакатлари техника ва технологиясидан фойдаланган ҳолда кунига 6 минг квадрат метр, йилига 2 миллион квадрат метр сифатли қурилиш материалларини халқаро талаблар асосида тайёрлаш мумкин.
Мутасаддиларнинг таъкидлашича, келгусида ишлаб чиқариш қувватларини ошириш ҳисобига бу кўрсаткич йилига 3 миллион квадрат метр гипс плиталари ишлаб чиқаришга етказилади.