Маск Twitter ислоҳотини цивилизация келажаги учун жанг деб атади
Twitter раҳбари Илон Маск ижтимоий тармоқни ислоҳ қилишга уринишларини «Цивилизация келажаги учун жанг», деб атади. «Бу цивилизация келажаги учун кетаётган кураш. Агар сўз эркинлиги ҳатто Америкада ҳам қўлдан бой берилса, олдинда бизни фақат зулм кутади», – деб ёзди у Twitterда.
Маск шу йўл билан фойдаланувчилардан бири жойлаган постга изоҳ берди. Ушбу фойдаланувчи сўл оммавий ахборот воситалари ва технологик гигантларни тармоқларни тўлиқ назоратига олишга уринаётганликда айблаб, Twitterнинг янги раҳбариятини сўз эркинлигини жорий қилишга уринаётган «кенг кўламли иммун жавоб», деб баҳолаган эди.
Маск Twitterни сотиб олгандан кейин ижтимоий тармоқнинг таҳрир сиёсатини қайта кўриб чиқишини маълум қилганди.