Айний ноњияси Урметани жамоати Урметани қишлоғи 2-сонли вилоят шифохонасининг очилиши
5 июл куни Тинчлик ва миллий бирлик асосчиси – миллат пешвоси, Тожикистон Республикаси Президенти, муҳтарам Эмомали Раҳмон Айний ноњиядаги Урметан қишлоғи шифохонасининг янги биносини фойдаланишга топширди.
Шифохона биносида пойдевор қўйиш ишлари 2017-йил октабр ойида бошланган бўлиб, у маълум бир даврда Сўғд вилояти ва Айний ногњияси давлат ҳокимияти ва бошқаруви органлари томонидан кўркам лойиҳа билан фойдаланишга топширилди.
Янги қурилган соғлиқни сақлаш муассасаси 2 қаватли ва ертўладан иборат бўлиб, жарроҳлик операциялари мажмуасига эга туғруқ, қабул ва таҳлил бўлимлари, болаларни суннат қилиш хонаси, физиотерапия, ички органлар ва болалар касалликлари кабинетларидан иборат.
Шифохонада 90 та хона мавжуд бўлиб, уларда муносиб меҳнат шароити ва тиббий хизмат кўрсатилмоқда.
Сунъий нафас олиш аппарати (ИВЛ), юрак монитори, ультратовуш диагностика мосламаси, электрокардиограмма ва бошқа замонавий диагностика ва даволаш технологиялари каби замонавий тиббий асбоб ва ускуналар аҳолига юқори сифатли тиббий хизмат кўрсатиш имконини бермоқда.
Янги қурилган шифохона беморларни даволаш учун 45 ўринга эга.
Вилоят шифохонасининг янги биноси фойдаланишга топширилиши билан ходимлар сони 35 нафардан 80 нафарга, беморлар сони эса 100 нафарга етди.
Урметан қишлоқ ҳудудий шифохонасининг янги биноси қурилиши Тожикистон Республикаси Президенти Эмомали Раҳмоннинг бунёдкорлик ҳаракатлари ва ташаббусларидан келиб чиққан бўлиб, у орқали 7 қишлоқнинг 25 минг нафар аҳолисига сифатли тиббий хизмат кўрсатилмоқда.
Лойиҳага кўра, “Урметан” қишлоқ врачлик пункти вилоят шифохонаси биносининг ертўласида жойлашган бўлиб, бу ерда ишлаш учун қулай шароит яратилган.
Урметан қишлоқ ҳудудий касалхонаси Тожикистон Республикаси ҳукумати кўмагида ҳамда Айний ноњияси ижроия ҳокимияти маблағлари ҳисобидан “Тожикелитсохтмон” масъулияти чекланган жамияти мутахассислари томонидан қурилди.
Тожикистон Республикаси Президенти, муҳтарам Эмомали Раҳмон ушбу шифохонанинг иш шароитлари билан танишиб, қурилиш ишлари сифатини юқори баҳолади ва бундай гўзал бинонинг қурилишини Урметанликлар учун муҳим ва ўз вақтида амалга оширилган иш, деб ҳисоблади.