«Келажак ўйинлари» халқаро аралаш мусобақаларининг очилиш маросими
Тожикистон Республикаси Президенти муҳтарам Эмомали Раҳмон Россия Федерацияси Президенти муҳтарам Владимир Путин, бошқа давлат раҳбарлари ва кўплаб юқори мартабали меҳмонлар билан биргаликда 21 февралдан 3 мартгача Қозон шаҳрида бўлиб ўтаётган ва «Казан ЭКСПО» кўргазма мажмуасида ташкил этилган «Келажак ўйинлари» халқаро аралаш мусобақаларининг очилиш маросимида иштирок этди.
Хабар қилинишича, дунёнинг турли мамлакатларидан икки мингдан ортиқ кишидан иборат ушбу мусобақалар иштирокчилари 21 турдаги жисмоний, интеллектуал ва виртуал ўйинларда қатнашадилар.
Турнирлар ташкилотчиларининг сўзларига кўра, бундай ўйинлар биринчи марта ташкил этилмоқда ва ўтказилмоқда. Ташкилотчилар ушбу ташаббус бугун ва келажакда кўплаб спортчилар ва кӯп сонли ҳаваскорларнинг эътиборини тортиши ва ҳақиқатдан келажак ўйинларига айланишига умид қилишмоқда.
Таъкидлаш жоизки, Тожикистон терма жамоаси ушбу халқаро турнирда 35 нафар спортчидан иборат таркибда иштирок этмоқда.