Рушд додани варзиши касбӣ дар Тоҷикистон ва тайёр намудани варзишгарони касбӣ баҳри муаррифии кишвар дар арсаи байналмилалӣ самти асосии фаъолияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон маҳсуб меёбад.
Тавре Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, зимини нишасти хабарӣ зикр намуд, бо мақсади омодагии ҷиддӣ барои гирфитани роҳхат ба Бозиҳои тобистонаи олимпии Париж-2024 аз ҷониби Кумита дар ҳамкорӣ бо Кумитаи миллии олимпӣ, Федератсияи ҷудо, варзиши сабук, гуштини тарзи озод, юнонӣ-римӣ ва қаиқронӣ нақшаи сеҷониба барои маблағгузорӣ имзо шуд. Дар асоси он варзишгарони дастаи мунтахаб аз руи намудҳои афзалиятнок ба чорабиниҳои байналмилалӣ сафарбар шуданд.
“Дар натиҷаи иштирок дар чорабиниҳои байналмилалӣ варзишгарони кишвар ба хазинаи варзишии мамлакат 269 медал ворид намуданд. Аз ин шумора 64 медали тилло, 77 нуқра ва 128 медали биринҷӣ ташкил дод, ки нисбат ба ҳамин давраи соли гузашта зиёд мебошад”-, афзуд Абдулло Раҳмонзода дар идома.
Ба зикри номбурда, дар арсаи байналмилалӣ 296 маротиба Парчами давлатии Ҷумҳурии Тоҷикистон баланд бардошта шуда, 64 маротиба Суруди миллӣ садо дод.
