Маҳсулоти тару тозаи Тоҷикистон дар Русия серхаридор аст ва доираҳои соҳибкории ҳар ду минтақа метавонанд барои содироти меваи хушку тар, маҳсулоти пахтагин, консерва, обҳои нӯшокӣ тарҳҳои навро амалӣ созанд. Вилояти Суғд бошад барои воридсозии чӯбу тахта, ғалла ва дигар маҳсулот ҳавасманд аст. Ин нукта зимни мулоқоти соҳибкорони вилояти Красноярск бо доираҳои соҳибкории вилояти Суғд зикр шуд, хабар медиҳад Хадамоти матбуотии Раиси вилояти Суғд.
Ба иттилои манбаъ, дар вохӯрӣ аз вилояти Красноярск роҳбарони 16 корхонаҳои истеҳсолӣ ширкат намуданд. Инчунин роҳбарони 50 корхонаҳои истеҳсолӣ ва соҳибкорони вилояти Суғд, аъзоёни Палатаи савдо ва саноати Ҷумҳурии Тоҷикистон иштирок намуданд.
Дар рафти мулоқот муовини Раиси вилоят Анвар Яъқубӣ оид ба имкониятҳои иқтисодию сармоягузории вилоят ба меҳмонон маълумоти муфассал пешниҳод намуд.
Ҳамчунин, аз ҷониби Даря Ковалева муарифии имкониятҳои сармоягузорӣ ва ширкатҳои фаъолияткунандаи вилояти Красноярск сурат гирифт.
Дар ҷараёни вохӯриҳо дар формати В2В, доираҳои тиҷоратии ду минтақа имкониятҳои тиҷорати мутақобила, ташкили интиқоли маҳсулоти дорои талабот ба бозорҳои Тоҷикистон ва вилояти Красноярск, инчунин татбиқи лоиҳаҳои муштараки сармоягузориро баррасӣ намуданд.
АХБОРИ МОНАНД:
Суғд: Ҳаҷми истеҳсоли маҳсулоти саноатӣ ба 11,1 млрд. сомонӣ баробар шуд
Имкониятҳои иқтисодии вилояти Хатлон дар намоишгоҳи XII байналмилалии “Иннопром-2022” муаррифӣ шуд
Хуҷанд: Корхонаҳои саноатӣ давоми нимсола ба маблағи 647,3 млн. сомонӣ маҷсулот истеҳсол карданд
ҶДММ “ТВЕА Душанбе саноати кӯҳӣ”: Ҳаҷми истеҳсолот марҳила ба марҳила зиёд хоҳад шуд
