Имрӯз дар шаҳри Еревани кишвари Арманистон Чемпионати ҷаҳон оид ба самбо байни наврасон оғоз мешавад. Мусобиқа то 16 октябр давом намуда, дар он варзишгарони 23 кишвари ҷаҳон ширкат мекунанд. Дар ин бора ТВ врзиш хабар дод.
Бино ба иттилои манбаъ, Ҷумҳурии Тоҷикистонро дар ин мусобиқа Зиёдуллои Сафаралӣ (-46 кг), Бобоҷон Қодиров (-53 кг), Умар Нозимов (-58 кг), Муҳаммадамин Лоиқов (-64 кг), Аминҷони Абдулфайёз (-71 кг) ва дигар варзишгарони наврас муаррифӣ мекунанд.
Зери вазни то 46 кг Зиёдуллои Сафаралӣ дар марҳилаи чаҳорякниҳоӣ рақобатҳоро оғоз мекунад ва бо намояндаи кишвари мизбон (Арманистон) Виктор Балаван сабқат мекунад.
Бобоҷон Қодиров зери вазни то 53 кг дар марҳилаи 1/8- ниҳоӣ бо варзишгари гурҷӣ Ника Нонетошвили мубориза мебарад.
Умар Нозимов зери вазни то 58 кг дар даври авввал озод буда, дар марҳилаи ¼-ниҳоӣ бо Гога Горгодзе аз Гурҷистон нерӯсанҷӣ мекунад.
Муҳаммадамин Лоиқов дар вазни то 64 кг бо намояндаи кишвари Муғулистон – Тумууҷун Наренбат барои роҳ ёфтан ба даври чаҳорякниҳоӣ қувваозмонӣ мекунад.
Варзишгари бомаҳорат ва умедбахши кишвар дар ин мусобиқа Аминҷони Абдулфайёз зери вазни то 71 кг дар даври аввал озод буда, дар даври ¼-ниҳоӣ бо ғолиби ҷуфти Атмир Соблиров ва Мҳер Мартиросян сабқат мекунад.
АХБОРИ МОНАНД:
Паҳлавонони тоҷик дар Мусобиқаи «Zagreb Grand Prix 2022» оид ба дзюдо иштирок мекунанд
CAFA-2022: Дастаи ҷавонони Тоҷикистон (U-19) бар Қирғизистон пирӯз шуд
Тоҷикистон дар Чемпионати ҷаҳон оид ба муҳорибаҳои омехта ҷойи сеюмро гирифт
Оятулло Қамарӣ бо нишони биринҷии Қаҳрамонии ҷаҳон оид ба ҷудо ба Душанбе баргашт
