Намоишгоҳи 132–юми маҳсулоти воридотӣ ва содиротии Чин ба шакли маҷозӣ оғоз шуд. Намоишгоҳи мазкур ним сол дар шакли онлайн идома меёбад. Дар ин бора Палатаи савдо ва саноати Ҷумҳурии Тоҷикистон хабар дод.
Бино ба иттилои манбаъ, намишгоҳ ҳамчун бузургтарин намоишгоҳи муосир дар Осиё соле ду маротиба- дар фаслҳои баҳор ва тирамоҳ бо мақсади ҳавасмандгардонӣ ва рушди тиҷорати содиротию воридотӣ баргузор мегардад.
Мутобиқи нақшаи ҷониби Чин, хоҳишмандон ҷиҳати иштирок дар он ва шиносоӣ бо молу маҳсулоти чинӣ метавонанд дар сиғаи электронии зерин https://www.cantonfair.org.cn/zh-CN то 24 октябри соли 2022 худро номнавис намоянд. Инчунин, метавонанд дар ҷараёни намоишгоҳ то 15 марти соли 2023 дар намоишҳои онлайнӣ, паёмнависии фаврӣ, бизнес-матчинг, конфронсҳои хидматӣ ва ғайра дар шакли маҷозӣ ширкат варзанд.
