Ба муносибати зодрузи яке аз фарзона фарзандони халқи тоҷик профессор Саидраҳмон Сулаймонӣ имрӯз 28 октябр дар толори калони шаҳраки донишҷӯёни Донишгоҳи миллии Тоҷикистон конфронси байналмилалии илмию назариявӣ зери унвони «Филологияи араб ва замони муосир» баргузор гардид.
Тавре ки хабарнигори радиои “Овози тоҷик” Ташрифзода Садбарг аз макони баргузории ҳамоиш хабар медиҳад, дар он олимону муҳаққиқон ва устодону донишҷӯён ширкат намуданд.
Дар раванди конфронс устодону шогирдон ва ҳамчунин ашхосе ки устод Сулаймонӣ бо онҳо муносибати дустиву ҳамкорӣ дошт, баромад намуда, доир ба фаъолияти тарҷумонӣ ва фарҳангнигории ин донишманди варзида суханҳои нек гуфтанд.
Дар идомаи ҳамоиш иштирокчиён аз ҷумла, ашхоси дар ҷодаи илм буда, Саидраҳмон Сулаймонӣ устодро ба муносибати 75-солагияш таҳният намуда, туҳфаҳо тақдим гардиданд.
