Бо иштироки роҳбарони вазорату идораҳо, роҳбарият ва аъзои Шӯрои соҳибкории Иёлоти Муттаҳидаи Амрико-Тоҷикистон, инчунин ширкатҳои бонуфузи амрикоӣ, аз қабили General Electric, Coca-Cola, Valley irrigation, VISA дар шаҳри Душанбе ҳамоиш баргузор гардид.
Бино ба иттилои Кумитаи давлатии сармоягузорӣ ва идораи амволи давлатии Ҷумҳурии Тоҷикистон, дар ҳамоиш Раиси Кумитаи давлатии сармоягузорӣ ва идораи амволи давлатӣ Саъдӣ Қодирзода, роҳбарони вазорату идораҳо ва бахши хусусии ҳарду ҷониб баромад намуданд.
Дар ин раванд иштирокчиён вобаста ба фазои соҳибкориву сармоягузорӣ, имконияти сармоягузорӣ дар соҳаҳои саноат, кишоварзӣ, энергетика суханронӣ карданд.
Пас аз анҷоми қисми расмии чорабинӣ вохӯрии бахши хусусии Иёлоти Муттаҳидаи Амрико бо бахши давлатии Ҷумҳурии Тоҷикистон баргузор гардид.
Дар фарҷом аз иштирокчиён даъват ба амал оварда шуд, ки дар амалишавии лоиҳаҳои сармоягузорӣ ва тиҷоратӣ саҳм гузошта, ба ташкили корхонаҳои муштарак таваҷҷуҳ зоҳир намоянд.
