Президенти Федератсияи Россия Владимир Путин аз роҳбарони кишварҳои ИДМ даъват кард, ки дар нишасти ғайрирасмии ин созмон бо ширкати фаъоли худ корҳоро дар соли 2022 ҷамъбаст кунанд. Дар ин бора радиои «Овози тоҷик» дар такя ба АИР «Новости» иттилоъ медиҳад.
«Ман пешниҳод мекунам, ки кори Иттиҳоди Давлатҳои Мустақил дар соли 2022-ро ҷамъбаст намуда, дар бораи нақшаҳои оянда сӯҳбат кунем ва албатта, масъалаҳои мавриди таваҷҷуҳи ҳамаи моро дар самтҳои минтақавӣ ва байналмилалӣ баррасӣ кунем», — гуфт президент.
Ба гуфтаи Путин, мулоқоти навбатии дӯстонаи сарони давлатҳо таваҷҷуҳи онҳоро барои минбаъд ҳам дар заминаи шарикии стратегӣ, нафъи мутақобила ва бо назардошти манфиатҳои ҳамаи кишварҳо ба роҳ мондани ҳамкориҳо баррасӣ мекунад.
«Ҳамкориҳои мо дар соли ҷорӣ хуб буданд. Ин афзоиши бемайлони гардиши мол миёни Русия ва тамоми кишварҳои ИДМ-ро тасдиқ мекунад. Дар моҳҳои январ-октябр он 6,6 дарсад афзуда, ба 81,5 миллиард доллар расид ва далеле ҳаст, ки то охири соли ҷорӣ он ба 100 миллиард доллар мерасад», — гуфт Путин.
