Дар шаҳри Ашқобод дар Донишкадаи равобити байналмилалии Вазорати корҳои хориҷии Туркманистон бахшида ба Рӯзи кормандони дипломатии Туркманистон бо иштироки роҳбарияти Вазорати корҳои хориҷӣ, намояндагони вазорату идораҳо, намояндагони дипломатӣ ва созмонҳои байналмилалӣ конфронси байналмилалии «Муколама гарави сулҳ» баргузор гардид. Дар ин бора радиои «Овози тоҷик» дар такя ба Вазорати корҳои хориҷии Ҷумҳурии Тоҷикистон хабар дод.
Дар доираи таҷлили ин чорабинӣ, мусобиқаҳои варзишӣ ва намоиши гӯшаи фарҳангии намояндагиҳои корпуси дипломатӣ ва созмонҳои байналмилалии муқими Ашқобод доир гардид, ки дар ин ҷашнвораҳо Сафорати Ҷумҳурии Тоҷикистон дар Туркманистон низ ширкат дошт.
Дар гӯшаи фарҳангии Тоҷикистон ҳунарҳои мардумӣ, либосҳои миллӣ, гулдӯзиҳои суннатӣ, китобу брошюраҳои сайёҳӣ барои ошноӣ бо фарҳангу суннатҳои мардуми тоҷик ва табиати нотакрори кишвар, ки дар атрофи худ хоҳишмандони зиёдеро гирд овард, муаррифӣ гардид.
АХБОРИ МОНАНД:
Ҳайати ҳукуматии Тоҷикистон дар Анҷумани тиҷоратии EBRD дар Лондон ширкат варзид
Сафири Тоҷикистон дар Олмон дар сафари шиносоӣ-иттилоотӣ ба Бавария бо Президенти федеролӣ иштирок намуд
Иштироки Саъдӣ Каримзода дар ҷаласаи 7-уми вазирони кишоварзии кишварҳои узви Созмони ҳамкории иқтисодӣ
Тоҷикистону Фаронса роҳандозии мактаби синамонигорон дар соли 2023-ро баррасӣ намуданд
