Дастаи наврасони Тоҷикистон дар бозии якуми худ дар мусобиқаи қаҳрамонии Ассотсиатсияи футболи Осиёи Марказӣ бар ҳамсолони худ аз Афғонистон бо ҳисоби 3 бар 1 пирӯз шуд.
Пирӯзии дастаи моро дубли Муҳаммад Назриев ва голи Парвиз Бобоназаров таъмин кард.
Дар вохӯрии дигар дастаи Ӯзбекистон бар тими Қирғизистон бо ҳисоби 2 бар 0 пирӯзии дуюмашро дар ин мусобиқот ба даст овард.
Бозиҳои даври баъдӣ ва сеюм рӯзи 23-юми август баргузор мешаванд. Дар ин рӯз вохӯриҳои Эрон-Афғонистон (оғоз соати 18:00) ва Тоҷикистон-Қирғизистон (оғоз соати 21:00) баргузор мешаванд.
Ёдовар мешавем, ки дар доираи мусобиқа ҳамагӣ 10 бозӣ баргузор мешавад. Мусобиқа аз рӯи системаи даврӣ дар як марҳила сурат мегирад. Дастаи ғолиб аз рӯи шумораи холҳо муайян мегардад.
