Имрӯз бо иштироки вазири корҳои хориҷии Ҷумҳурии Тоҷикистон Сироҷиддин Муҳриддин ва сафирону намояндагони корпусҳои дипломатии муқими кишвар дар “Боғи фарҳангу фароғатии ба номи Садриддин Айнӣ” маъракаи ниҳолшиноӣ баргузор гардид. Дар ин бора хабарнигори радиои “Овози тоҷик” Нушофарин Олимова хабар медиҳад.
Меҳмононро Амрулло Боқиев директори “Боғи фарҳангу фароғатии ба номи Садриддин Айнӣ” пешвоз гирифта, чанде дар бораи шигифтиҳои боғи мазкур ба эшон маълумот дод.
Қабл аз оғози ниҳолшинонӣ дар назди муҷассамаи Садриддин Айнӣ аз ҷониби иштирокдорону меҳмонон чанде гул гузошта шуда, сипас бо ҷамъи сафирон дар ин макони фароғатию фарҳангӣ беш аз 50 ниҳол шинонида шуд.
Мавриди зикр аст, ки боғи мазкур 6 ноябри соли 2017 аз ҷониби Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе Рустами Эмомалӣ баъди азнавсозӣ дар вазъияти тантанавӣ мавриди баҳрабардорӣ қарор дода шуд.
АХБОРИ МОНАНД:
Ҳайати ҳукуматии Тоҷикистон дар Анҷумани тиҷоратии EBRD дар Лондон ширкат варзид
Сафири Тоҷикистон дар Олмон дар сафари шиносоӣ-иттилоотӣ ба Бавария бо Президенти федеролӣ иштирок намуд
Иштироки Саъдӣ Каримзода дар ҷаласаи 7-уми вазирони кишоварзии кишварҳои узви Созмони ҳамкории иқтисодӣ
Тоҷикистону Фаронса роҳандозии мактаби синамонигорон дар соли 2023-ро баррасӣ намуданд
